Showing posts with label Gemini Horoscope. Show all posts
Showing posts with label Gemini Horoscope. Show all posts

Saturday, March 10, 2018

برج جوزا (خواتین اور ازدواجی زندگی

۲۱ مئی تا ۲۱ جون کے درمیان پیدا ہونے والوں کا برج
جوزا تیسرا برج ہے۔ اس کا حکمران سیارہ عطارد ہے جو تیز رفتاری کے ساتھ فہم و فراست کی علامت ہے اور جو اپنے معمول میں زندہ دلی اور فاضل ذہنی قوت پیدا کرتا ہے۔ نشان جڑواں بچے ہیں اور عنصر ہوا ہے۔ 
اُن کی شخصیت کی خاص بات اُن کی زندہ دلی ہے نئی دل چسپیوں کی تلاش میں رہتے ہیں اُن کے ذہن میں نت نئے خیالات پیدا ہوتے رہتے ہیں اور نئے کام شروع کر کے پایہ تکمیل پہنچائے بغیر ہی دوسرے کام کی طرف متوجہ ہو جاتے ہیں۔
یہ انتہائی متلون مزاج ہوتے ہیں۔ ان کا موڈ بدلتے دیر نہیں لگتی بہت جلد مشتعل ہو جاتے ہیں۔ مگر یہ کیفیت چند لمحوں کے لیے ہی ہوتی ہے۔ اگر یہ اپنی ذات کو اہمیت دیں تو خود غرض بھی ہو سکتے ہیں۔ 
سفر کے شوقین ہوتے ہیں اُن کا عنصر چونکہ ہوا ہے اسے لیے ہوا کی طرح ان کو کسی ایک جگہ پابند کرنا بہت مشکل بلکہ ناممکن ہوتا ہے۔ 
یہ نت نئے تجربے کرتے ہیں مگر ان میں ایک خامی ہوتی ہے کہ یہ کسی دوسرے کا مشورہ قبول نہیں کرتے چاہے مشورہ صحیح اور نیک نیتی پر مبنی ہو بحث میں ان سے جیتنا بہت مشکل ہوتا ہے۔ 
جو زابچے چاک و چوبند اور سیمابی طبیعت کے مالک ہوتے ہیں۔ ذہانت ان میں خوب ہوتی ہے اور یہ والدین سے نئے نئے سوال پوچھ کر انہیں پریشان کر دیتے ہیں۔ یہ جو کام شروع کریں۔ عموماً اسے اُدھور چھوڑ دیتے ہیں۔ مثلاً کھیل کو درمیان سے چھوڑ کر آجاتے ہیں۔ 
نو جوانی کے دور میں جوزا مضطرب طبیعت رکھتے ہیں۔ طالب علمی کے دور میں وہ ایک مضمون لینے کے بعد جلد ہی اس سے بیزار ہو کر دوسرا مضمون لے لیتے ہیں۔ تجسس اور تبدیلی کی خواہش کے تحت وہ بار بار شعبے تبدیل کرتے ہیں۔ 
جوزا افراد کفایت شعار ہوتے ہیں اُن کے مزاج کے مطابق کام ملے تو اس میں کامیاب رہتے ہیں۔ ہر ماحول میں خود کو ڈھالنے کی صلاحیت رکھتے ہیں۔ نئے دوست بنا کر خوش ہوتے ہیں۔ حقیقت پسند ہوتے ہیں وقتی طور پر مشتعل تو ہو جاتے ہیں۔ مگر کینہ پرور نہیں ہوتے اور نہ ہی بلند آواز سے چیخ چیخ کر خود کو دوسروں سے برتر منوانے کی خواہش مند ہوتے ہیں۔ 
کسی مسئلے کو حل کرنے میں ناکام رہیں تو اُن پر ایسی مایوسی اور بیزاری سوار ہو جاتی ہے جس کا علاج اُن کے پاس نہیں ہوتا۔ ان مواقع پر جوزا خود کو بہت تنہا سمجھتے ہیں، اور طرح طرح سے غصے کا اظہار کرتے ہیں مگر مایوسی کا یہ دور زیادہ دیر تک نہیں رہتا۔
جوزا مرد محبت میں سنجید نہیں ہوتا۔ وہ فلرٹ کرتا ہے اور ہر دوسرے ہفتے نئی لڑکی سے رومانس شروع کر دیتا ہے۔ محبت میں شاذو نادر ہی سنجیدگی اختیار کرتا ہے۔ کیونکہ کسی ایک لڑکی میں اُس کی دلچسپی زیادہ دن برقرار نہیں رہ سکتی ۔ 
جوزا افراد کا موافق عدد ۵ ہے۔ پیلا اورنج رنگ اُن کے لیے اچھا ہے۔ جب کہ ہیرا، یاقوت اور موتی پہننا اُن کے لیے مفید ہے۔ دوسرے برجوں کے افراد میں سے اُن کے تعلقات حمل، میزان، اسد اور دلوکے ساتھ اچھے رہتے ہیں۔ اُن کے ساتھ لین دین، اور میل جول میں لڑائی جھگڑے کا امکان نہیں قوس، سنبلہ اور حوت کے ساتھ تعلقات غیر یقینی ہوتے ہیں۔ اُن کے ساتھ مفاہمت اور اشتراک میں دشواری پیش آسکتی ہے سرطان، ثور، عقرب جیسے لوگوں کے ساتھ تو محتاط رویہ اختیار کرنا بہتر ہو گا۔
اس برج کی اہم شخصیات میں چند یہ ہیں۔ ملکہ وکٹوریہ، ہزی کنجر (سابق وزیر خارجہ امریکہ) آئن فلمینگ (نامور نادل نگار، جیمز بانڈ کا خالق) آرتھ کینن ڈائل (ناول نگار، شرلاگ ہومز کا خالق) پرنس فلپ (دیوک آف ایڈنبرا) ٹونی کرنس (نامور ادا کار)
جوزا خواتین
محبت میں جوزا مردوں کی طرح جوزا خواتین بھی ہرجائی ہوتی ہیں۔ دوستی کے معاملے میں یہ خود غرض ہوتی ہیں۔ دوسروں سے تو محبت اور خلوص چاہتی ہیں۔ مگر خود اُن کا رویہ اُس کے اُلٹ ہوتا ہے۔ جوزا عورت کی باتوں میں چاشنی ہے جو جنس مخالف کے لیے باعثِ کشش بنتی ہے۔ یہ بہت باتونی ہوتی ہے، بات سے بات نکالنے کا فن جانتی ہے۔ 
جوزا عورت طنزو مزاح پسند کرتی ہے۔ ہر دلعزیز اور ہنس مکھ ہوتی ہے لیکن اس سے ضرورت سے زیادہ توقعات وابستہ نہیں کرنی چاہئیں کیونکہ اس کا موڈ بدلتے دیر نہیں لگتی۔
دراصل اُسے خود ہی یہ علم نہیں ہوتا کہ وہ اگلے لمحے کیا کہنے والی ہے۔ سیماب فطرت ہوتی ہے۔ ان کے موڈ کے بارے میں کوئی حتمی رائے قائم نہیں کی جاسکتی۔ اس کا انداز فکر لمحہ بھر میں تبدیل ہو سکتا ہے۔
جوزا عورتیں عموماً کم عمری میں شادی نہیں کرتیں امام جوانی وہ گھومتے پھرتے گزارتی ہیں، اور خوب عشق جھاڑتی ہیں لیکن صحیح جوڑ ملنے کی صورت میں جوزاعورت وفا دار ثابت ہو سکتی ہے، اور ایسے مرد پر اپنا سب کچھ قربان کر سکتی ہے۔ 
ان کی سیمابی فطرت انہیں چین سے نہیں بیٹھنے دیتی۔ ملازمت اور دوستی کپڑوں کی طرح بدلتی ہیں۔
نئے چیلنجوں کا مقابلہ کرنے میں فرحت محسوس کرتی ہیں اگر کوئی شوخ جوزا لڑکی اچانک خاتون خانہ، پھر ملازمت پیشہ اور پھر کچھ مدت بعد سماجی لیڈر بنی نظر آئے تو حیرت کا اظہار مت کریں۔ 
جوزا عورت کو بس کسی بات پر بحث یا تنقید کا موقع ملنا چاہیے بولتی چلی جاتی ہے۔ حتی کہ اصل موضوع بھول جاتی ہے اور اُسے یہ بھی یاد نہیں رہتا کہ گفتگو کس معاملے پر اور کیوں شروع ہوئی تھی۔ 
جوزا عورتیں آزادی پسند ہوتی ہیں۔ وہ کسی کو اپنے خیالات خود پر ٹھونسنے کی اجازت نہیں دیتی۔
کون کیسا رہے گا؟
اس برج کی خوتین کی ازواجی زندگی کس بُرج کے افراد کے ساتھ خوشگوار گزرتی ہے۔ اس بارے میں مختصر جائزہ پیش خدمت ہے۔ 
جوزا عورت اور جوزا مرد
یہ پارٹنر شب عموماً اچھی رہتی ہے۔ جوزی مرد، جوزی عورت کے آئیڈئل کے مطابق ہوتا ہے۔ دونوں ہم خیال ہوتے ہیں۔ اگر ان میں جھگڑا ہو بھی تو دیر پا نہیں ہوتا اور یہ دل میں کدورت رکھنے کے قائل نہیں ہوتے لیکن اگر ان میں اختلاف بڑھ جائے تو خطرناک ثابت ہو سکتا ہے۔ جنسی زندگی میں بھی دونوں کا رویہ ایک سا ہوتا ہے۔ 
جوزا عورت اور میزان مرد
یہ ایک اچھا جوڑا ہے۔ ان کی رفاقت انتہائی کامیاب ہو سکتی ہے بہت سے معاملات میں دونوں ایک طرح سے ہی سوچتے ہیں۔ میزان مرد اپنے لائف پارٹنر کو مساوی حقوق دیتا ہے اور یہ بات جوزا عورت کو متاثر کر لیتی ہے۔ حسد اور تنقید میزان مرد کو پسند نہیں۔ سماجی اور انفرادی زندگی میں مسلسل تبدیلی کے خواں ہوتے ہیں۔ 
میزان مرد کی رومان پسندی اور بے فکری جوزا عورت کو پسند آتی ہے۔ جنسی زندگی میں میزان مرد محبت میں بہت ماہر ہوتا ہے اور بہت بھر پور ہوتا ہے۔ 
جوزا عورت اور دلو مرد
یہ رفاقت عموماً اچھی رہتی ہے۔ دلو مرد ذہین ہوتے ہیں اور جوزا عورت بھی ذہین، سیماب فطرت اور ترقی پسند ہوتی ہے دلو مرد اُس کے ہر کام میں دلچسپی ظاہر کرتا ہے، اور توقع رکھتا ہے کہ وہ ہر وقت اس کی بات توجہ سے سنے گی۔
جوزا عورت اور ثور مرد
اس رفاقت کی کامیابی کے امکان کچھ زیادہ نہیں ہوتے۔ ثور مرد فراخ دل اور روایت پسند ہوتا ہے۔ اور جوزا عورت کی لمحہ بھر میں بدلتی فطرت کو کبھی سمجھ نہیں پاتا۔
جوزا عورت سیمابی فطرت کی مالک ہوتی ہے۔ اور ثور مرد کے اٹل فیصلوں کو پسند نہیں کرتی اور گھریلو معاملات کی نسبت سیر سپاٹے میں زیادہ دلچسپی لیتی ہے۔ خصوصیات کے اعتبار سے دونوں متضاد ہوتے ہیں۔
جوزا عورت اور سنبلہ مرد
یہ رشتہ زیادہ عرصہ تک قائم نہیں رہتا سنبلہ مرد کے لیے جوزا عورت کی متلون مزاجی ایک ایسا مسئلہ ثابت ہوتی ہے جسے وہ عقل کی بنیاد پر حل کرنے سے قاصر ہے، وہ دولت کو محتاط طریقے سے خرچ کرتا ہے۔ جب کہ جوزا عورت خاصی فضول خرچ ہوتی ہے۔ سنبلہ مرد کی تنقید اور اصلاح پر مبنی گفتگو اُسے بالکل پسند نہیں ہوتی۔
دوسرے برجوں کے افراد کے ساتھ
برج حمل، اسد، حوت اور جدی کے ساتھ پارٹنرشپ کامیاب بنانے کے لیے دونوں فریقوں کو ایثار سے کام لینا ہو گا اور اس رشتے کو کامیاب بنانے کے لیے محنت کرنا ہو گی۔ سرطان کے ساتھ جوزا عورت کی دوستی تو اچھی ہو سکتی ہے لیکن شادی سے احتراز کرنا چاہیے۔ 

Friday, March 9, 2018

برج ثور (خواتین اور ازدواجی زندگی

۲۰ اپریل تا ۲۱ مئی کے درمیان پیدا ہونے والوں کا برج
ثور دوسرا برج ہے۔ اس کا حاکم سیارہ زہرہ (Venus) ہے جو حسن و محبت کی علامت ہے۔ اس برج کا نشان بیل اور عنصر مٹی ہے۔ 
اس برج کے افراد مضبوط عزم و ارادے کے مالک ہوتے ہیں انہیں دھونس سے یا زبردستی دبایا نہیں جا سکتا۔ انہیں کوئی کام کرنے پر آمادہ تو کیا جاسکتا ہے لیکن مجبور نہیں۔ ایسی کوشش کی جائے تو ان کی مزاحمت بڑی شدید ہوتی ہے۔ 
ثور افراد اپنی زندگی کا سفر انتہائی غربت کے عالم میں کریں تو بھی اپنی مستقل مزاجی اور خوب سوچ سمجھ کر قدم اٹھانے کی عادت کی بدولت بالآخر کامیابی حاصل کرلیتے ہیں۔ یہ رسک لینے کے عادی نہیں ہوتے اس لیے شاہرائہ ترقی پر اُن کی رفتار خاصی سُست ہوتی ہے۔ لیکن اس سُست رفتاری میں کامیابی کا یقین شامل ہوتا ہے۔ 
نئے لوگوں سے تعلقات بڑھانے میں خاص مہارت رکھتے ہیں۔ کوئی ا ن پر نظریات ٹھونسے یا ہر کام میں اپنے ہمنوا بنانا چاہیے یہ بات ثور افراد کو سخت ناپسند ہوتی ہے۔ 
دولت حاصل کرنے کا شوق ان کے دل میں ضرور ہوتا ہے مالی امور میں یہ محتاط رویہ اپنائے رکھتے ہیں۔ لیکن انہیں کنجوس نہیں کہا جاتا ۔ ناگہانی مشکلات کے لیے یہ کچھ نہ کچھ پس انداز کرتے ہیں۔ مقروض ہونے سے یہ بہت خوفزدہ ہوتے ہیں۔ 
اچھی قوت برداشت کے مالک ہوتے ہیں۔ کوئی قدم اٹھانے میں ان کی احتیاط پسندی کا یہ عالم ہے کہ بعض اوقات غور و فکر میں اتنا وقت لگا دیتے ہیں کہ دوسرے انہیں قوتِ فیصلہ سے عاری سمجھنے لگتے ہیں۔ مگر جب یہ کوئی فیصلہ کر لیں تو پھر اس پر عمل درآمد سے روکنا یا اسے تبدیل کرانا بہت مشکل ہوتا ہے۔ 
خوبصورت گھروں میں شہزادوں کی طرح رہنااُن کی خواہشات میں شامل ہوتا ہے۔ اور ان خواہشات کو عملی جامہ پہنانے کے لئے وہ کسی غیبی امداد کے منتظر نہیں رہتے۔ بلکہ محنت پر ایمان رکھتے ہیں اور اس کے لیے طویل عرصہ تک انتظار کر سکتے ہیں۔ دوستوں کے معاملہ میں یہ خلوص اور وفادار ہوتے ہیں۔
ثور بچے تنہائی پسند ہوتے ہیں اور دوسرے بچوں میں جلدی سے گھل مل نہیں جاتے۔ فٹ بال اُن کا پسندیدہ کھیل ہوتا ہے، اور یہ کھانے پینے کے شوقین ہوتے ہیں۔
ثور مرد پہلی ہی نظر میں کسی پر نہیں مرمٹتا اور نہ ہی کسی سے فلرٹ کرتا ہے۔ وہ جس سے محبت کرتا ہے اسے اپنا جیون ساتھی بنانے کی کوشش کرتا ہے اس کوشش میں کوئی کسر اٹھا نہیں رکھتا۔
مٹی برج ثور کا بنیادی عنصر ہے۔ ثور افراد مادی دنیا سے ہمیشہ رابطہ رکھتے ہیں۔ بنیادی طور پر روایت پرست ہوتے ہیں۔ جس جگہ پیدا ہوتے ہوں۔ اُس جگہ کو کبھی نہیں بھولتے۔ پرانے رسم و رواج کو اپنائے رکھتے ہیں اور آزمائے ہوئے راستے پر چلنے کو ترجیح دیتے ہیں۔
ثور افراد کا موافق عدد 6 ہے نیلے رنگ کے تمام شیڈ اور گلابی رنگ ان کے لیے مبارک پتھر زمرد ہے۔ 
دوسرے برجوں کے افراد میں سے اُن کے تعلقات سنبلہ اور جدی کے ساتھ بہت اچھے، حمل، جوزا، سرطان اور حوت کے ساتھ اچھے، اسد، عقرب اور دلو کے ساتھ غیر یقینی اور میزان و قوس کے ساتھ غیر جانبدارانہ رہتے ہیں۔ 
اس برج کی اہم شخصیات میں سے چند یہ ہیں بلکہ الزیتھ دوم، نکولائی لینن (انقلاب روس کا بانی) سگمنڈ فرائیڈ (نامور ماہر نفسیات) ولیم شکپیئر (دنیا کا سب سے بڑا ڈرامہ نگار) اڈولف ہٹلر (جرمنی کا مطلق العنان حکمران) گولڈا میئر (سابق وزیر اعظم اسرائیل) ہیری ایس ٹرومین (امریکہ کا سابق صدر) کارل مارکس انتھونی کومین، نہری فوئڈا، گیری کوپر (نامور اداکار) اور ہوہنہ وغیرہ ہیں۔ 
ثور خواتین
لنڈا گڈمین لکھتی ہیں۔ 
ثور عورت حسین اور پرکشش ہوتی ہے برج ثور کا حاکم سیارہ وینس (زہرہ) ہے جسے حُسن اور محبت کا سیارہ بھی کہا جاتا ہے۔ اس لیے ثور عورت میں یہ خصوصیات بدرجہ اتم موجود ہوتی ہیں۔ اس کی شخصیت کسی بھی مرد کے لئے احد سر انگیز ثابت ہو سکتی ہے۔ یہ مقناطیسی شخصیت کی مالک ہوتی ہے۔ بڑی پر کشش اور دوسرے کو فوراً متاثر کر لینے والی۔
ثور عورت جس سے محبت کرتی ہے شدت سے کرتی ہے اور یہ چاہتی ہے کہ اُسے بھی اسی شدت سے اور دل کی گہرائیوں سے چاہا جائے لیکن اگر اسے اپنے ساتھی کی محبت میں معمولی سا بھی عامیانہ پن نظر آئے پھر اتنی ہی شدت سے اُس سے نفرت کرنے لگتی ہے۔ یہ لچھے دار گفتگو پسند نہیں کرتی۔ کھری بات کہنے اور سننے کو پسند کرتی ہے۔ 
ثور عورت دوسری عورتوں کی طرح زندگی سے متعلق حسین خواب نہیں دیکھتی اور تخلیاتی دنیا میں نہیں رہتی اور نہ ہی دوسروں سے بہت زیادہ توقعات وابستہ کرتی ہے اور ہر شے کو حقائق کی روشنی میں پر کھتی ہے وہ اس حقیقت کو تسلیم کرتی ہے کہ اس برق رفتار اور مسائل سے پُر زندگی میں ہر کسی کی توقعات پر پورا اترنا مشکل بلکہ ناممکن ہے۔ اس لیے وہ کبھی ہوائی قلعے تعمیر نہیں کرتی۔ وہ عجلت پسند نہیں ہوتی ہر کام کرنے سے قبل اس کے تمام پہلوئوں پر سنجیدگی سے سوچتی ہے اور پھر جو قدم اُٹھائے وہ پیچھے نہیں ہٹاتی۔ ڈٹ جاتی ہے اور ہر قیمت پر اپنے ارادے کو عملی جامہ پہناتی ہے۔ 
روپے پیسے کو وہ ضروری تو سمجھتی ہے مگر اُسے پہلی اہمیت نہیں دیتی۔ اُس کے نزدیک پہلی اہمیت سچی اور پر خلوص محبت کی ہے۔ اس میں بلا کی قوت برداشت ہوتی ہے۔ 
بظاہر پُر سکون اور خاموش نظر آنے والی ثور عورت کی رگ رگ میں ارمان پر و ر جذبات سمائے ہوتے ہیں۔ 
زہرہ حسن اور دنیا کے سب سے بڑے احساس محبت کی علامت ہے ۔ نزاکت اور کشش کا ایک روپ ہے ۔اس لیے ثور عورت محبت اور خلوص سے فوراً پگھل جاتی ہے۔ بعض اوقات تو کسی مرد کی معمولی سی بات یا انداز بھی اس کے رومانوی جذبات میں تلاطم برپا کردیتا ہے اور وہ اس مرد کی محبت میں گرفتار ہو جاتی ہے۔ 
’’محبت اندھی ہے۔ ثور عورت کے نزدیک اس مقولے میں ذرا بھی صداقت نہیں۔ وہ یہ سمجھتی ہے کہ محبت صرف ان چیزوں کے لیے اندھی ہے جو محنت کے دائرے سے خارج ہوں۔ اس لیے جو گ اُسے اچھے نہیں لگتے۔ ان سے وہ ہمیشہ اپنی شخصیت کی تمام خوبیوں کو چھپاتی ہے۔ 
ثور عورت جس سے محبت کرتی ہے اُسے اپنی ملکیت سمجھتی ہے۔ یہی نہیں بلکہ جن دوستوں رشتے داروں کے قریب ہوتی ہے اور جو اشیاء روز مرہ کی زندگی میں استعمال کرتی ہے انہیں اپنی ملکیت تصور کرتی ہے اور جو شخص بھی ان چیزوں کو پانے کی شعوری یا لاشعوری کوشش کرتا ہے۔ وہ ثور عورت کی مخالفت مول لیتا ہے۔ 
عورت کو عموماً ہلکے پیٹ کی سمجھا جاتا ہے یعنی وہ کسی راز کو چھپائے نہیں رکھ سکتی۔ لیکن ثور عورت پر بجا طور پر اعتماد کیا جا سکتا ہے۔ اُسے جو بات بتائی جائے اپنے تک محدود رکھتی ہے۔ کسی کے راز کو وہ اپنے پاس امانت سمجھتی ہے، اور امانت میں خیانت اُس کے نزدیک سب سے بڑا جرم ہوتا ہے۔ 
ثور عورت فنکارا نہ مزاج کی مالک ہوتی ہے۔ رقص، موسیقی، زیورات آرائش، نفیس لباس اور پھول پسند کرتی ہے۔ گھر کی سجاوٹ میں خاص دلچسپی لیتی ہے اور بے تربیتی سے اُسے نفرت ہوتی ہے۔ 
وہ اس مقولے کو سچ مانتی ہے کہ ’’مرد کے دل تک پہنچنے کا راستہ اُس کے پیٹ سے گزر کر جاتا ہے۔ لہٰذا وہ کھانے پکانے میں خاص اہتمام کرتی ہے لیکن وہ فضول خرچی ہرگز نہیں کرتی۔ 
ثور عورت بحیثیت بیوی اچھی ثابت ہوتی ہے گھر سنبھالنے اور بچوں کی پرورش سلیقے سے کرتی ہے۔ کفایت شعاری اس کی بڑی خصوصیات میں سے ایک ہے اور برے وقت کے لیے کچھ نہ کچھ پس انداز کرتی ہے۔ جنسی طور پر ثور عورت شادی کے ابتدائی حصے میں گرم ہوتی ہے۔ مگر اولاد ہونے کے بعد صورت حال بدل جاتی ہے۔ 
کون کیسا رہے گا؟
اس برج کی خواتین کی ازدواجی زندگی کس برج کے افراد کے ساتھ خوشگوار گزرتی ہے اور کس برج کے افراد اس کے لیے ناموزوں ہیں۔ اس بارے میں ایک مختصر جائزہ پیش خدمت ہے۔ 
ثور عورت اور ثور مرد
ان دونوں میں یکسانیت ہونے کے باوجود عموماً رفاقت کامیاب رہتی ہے۔ دونوں میں ضد اور حسد کا مادہ مشکلات پیدا کر سکتا ہے۔ ثور مرد تھوڑا بہت شکی ہوتا ہے اور یہ بات ثور عورت کے لیے ناقابل برداشت ہوتی ہے ثور عورت گھر کا انتظام بہت عمدگی سے چلاتی ہے اور گھر کو آئینے کی طرح چمکائے رکھتی ہے۔ اس بناء پر ثور مرد اسے محبت کی نگاہ سے دیکھتا ہے۔ دونوں کھانے کے شوقین ہوتے ہیں۔ اس لیے عموماً موٹاپے میں مبتلا رہتے ہیں۔ جنسی زندگی میں یہ پر جوش ہوتے ہیں۔ 
ثور عورت اور سرطان مرد
یہ پارٹنرشپ کافی کوشش اور قربانی کے بعد کامیاب ثابت ہو سکتی ہے۔ سرطان مرد، عورت کو اپنی شدید محبت اور اہمیت کا احساس دلا کر حیران کر دیتا ہے۔ وہ چاہتا ہے کہ عورت اُس کی خواہشات کو سمجھے اور اُن کا احترام کرے۔ دونوں میں گھریلو معاملات میں دلچسپی لینے کا جذبہ شدید ہوتا ہے۔ 
ثور عورت اس کی توجہ پا کر ایسے بڑے بڑے کام کر گزرتی ہے۔ جن کے بارے میں وہ پہلے سوچ بھی نہیں سکتی تھی۔ لیکن اسے سرطان مرد کی ناراضگی کے لیے بھی تیار رہنا چاہیے۔ وہ بعض اوقات بچگانہ حرکتیں بھی کر بیٹھتا ہے۔ 
ثور عورت اور جدّی مرد
یہ جوڑا خاصا کامیاب رہتا ہے جدی مرد ذمہ دار، محنتی اور عملی قسم کا ہوتا ہے۔ جب کہ ثور عورت پر کشش ہوتی ہے۔ اور گھویلو امور میں خاص دلچسپی لیتی ہے۔ اس طرح اُنہیں بہتر زندگی گزارنے کا موقعہ ملتا ہے۔ 
دونوں پائیدار اور محبت سے بھر پور زندگی بسر کرنے کے خواہش مند ہوتے ہیں۔ لہٰذا ان میں جلد ہی ذہنی ہم آہنگی پیدا ہو جاتی ہے۔ دونوں ایک دوسرے کے احساسات کو سمجھنے کی صلاحیت رکھتے ہیں۔ 
کبھی کبھی وہ تھوڑا بہت حسد جو ثور عورت کے مزاج کا جزو ہوتا ہے۔ کچھ مسائل پیدا کر دیتا ہے جو دیر پا نہیں ہوتے۔ 
جنسی طور پر جدی مرد متلون مزاج ہوتا ہے۔ کبھی بے حد گرم جوشی کا مظاہرہ کتا ہے اور کبھی سرد مہر ہوتا ہے۔ کیونکہ خارجی دبائو اس پر بہت اثر انداز ہوتا ہے۔ مجموعی طور پر یہ پارٹنر شپ دنیا کے لیے قابل رشک ہوتی ہے۔ 
ثور عورت اور سنبلہ مرد
یہ رفاقت کامیاب ثابت ہوتی ہے۔ بشرطیکہ دونوں فریق برداشت کی عادات اپنا لیں۔ ثور عورت اس بات کی خواہش مند ہوتی ہے کہ اُسے مرکزِ توجہ بنایا جائے اور سنبلہ مرد اپنی محبوبہ کو ہر شے سے بڑھ کر اہمیت دیتا ہے۔ دونوں کا مزاج تقریباً ایک سا ہوتا ہے۔ دونوں کی شخصیتوں میں عملی پہلو قوی ہوتا ہے۔ 
سنبلہ مرد کبھی کبھی تنقیدی رویہ اختیار کرتا ہے اور ثور عورت اس بات کو قطعاً پسند نہیں کرتی کہ اس کی خامیوں کا برملا اظہار کیا جائے۔ اس پر دونوں میں لڑائی جھگڑا بھی ہو جاتا ہے۔ مگر سنگین نوعیت کا نہیں۔
دونوں گھر اور بچوں میں بھر پور دلچسپی لیتے ہیں۔ جنسی زندگی میں دونوں پر جوش ہوتے ہیں۔ 
دوسرے برجوں کے افراد کے ساتھ
ثور عورت اور قوس مرد کی دوستی تو بہترین رہ سکتی ہے۔ مگر عمر بھر کا ساتھ عاقبت نااندیشی ہے۔ عقرب مرد کے ساتھ ازدواجی زندگی کا میاب نہیں ہوتی۔ دونوں کی پارٹنرشپ پر جنگ کا گماں ہوتا ہے اور یہ آسانی سے ایک دوسرے سے علیحدگی اختیار کر لیتے ہیں۔ کیونکہ عقرب مرد غصہ دار ہوتا ہے اور ثور عورت ضدی۔حوت، اسد، میزان، حمل، دلوّ، کا ساتھ کامیاب ثابت نہیں ہوتا۔ اس لیے احتراز برتنا مناسب ہے۔